Песната „За Љиљану“ е посветена на позната српска актерка, а менаџерот Дрда не постоел во реалноста но го носи името на познат српски боем што му помогнал на Бјелогрлиќ во реализацијата на „Монтевидео“.
Никој не остана рамнодушен на сцената во која Тома ја пее познатата песна „За Љиљану“ и којашто тој, во филмот, ја посвети на сопругата на неговиот лекар Хаџипоповиќ.
Лилјана во филмот боледуваше од рак и Тома ѝ ја посвети песната што ќе живее подолго од неа..
Тоа дефинитивно беше најтажната сцена од филмот, но, факт е дека тоа никогаш не се случило……
Песната „За Љиљану“ во реалноста е посветена на актерката Лилјана Благојевиќ, а како што откри неговата поранешна сопруга Гордана, Тома воопшто не го напишал текстот туку само ја компонирал музиката.
Ни како и да е оваа песна повторно заживеа и стана голем музички хит.
Во продолжение погледнете како изгледа кога песната “Za Liljanu” е испеана од вистински професионалец, или како што многумина милуваат да го кажат момчето со aнгелски глас Васил Ангелов.
Песна која што повторно ги освои срцата кај сите нас по издавање на филмот “Тома”. Се надевам дека мојата изведба на песната ќе ви се допадне- Посебна чест имам што сум заедно со мојот татко во видеото, Здравко Ангелов- Напиша на социјалните мрежи Васил.
Уживајте:
Васил Ангелов е ученик во четврта година во средното музичко училиште ДМБУЦ „Илија Николовски- Луј“-Скопје во класата на проф. м-р Александра Коцевска.Потекнува од музичко семејство кое го подржува во неговите одлуки. Тој е тинејџер со широки визии за иднината и има целосна посветеност на остварување на неговиот сон. Тој за себе вели дека е подготвен за секакви предизвици и не се сомнева дека ќе го достигне врвот. Се пронаоѓа во поп музиката најмногу, но сака да вметнува и џез елементи во неговото музицирање. Свири на повеќе инструменти како што се гитара, пијано, ударни инструменти и бас гитара. Смета дека со многу работа успехот е неизбежен.
