Момчето што ја прегази 24 годишната радовишанка Викторија Николова возел со 67 километри на час со брзина над дозволената и не застанал на пешачки премин, констатирало обвинителството во истрагата па затоа денеска поднесе обвинение против него за предизвикување на тешката сообраќајка кај „Сити мол“ што се случи на 20 јануари годинава.
Обвинетиот ќе одговара за тешки дела против безбедноста на луѓето и имотот во сообраќајот. Во моментот на несреќата семафорите биле исклучени, а момчето не застанало на пешачкиот премин и не обрнало внимание на пешаците на коловозот, иако било должно да го стори тоа, информираат од обвинителството.
Од таму до основниот Кривичен суд Скопје е доставен нов предлог за продолжување на мерката притвор која му завршува во недела. Освен Николова која го загуби животот, во несреќата беше повредено и момчето на николова, Леонид Даов.
