Големите балтички маркети на намирници соопштија во четвртокот дека ќе ги отстранат производите од руско и белоруско потекло од полиците на продавниците поради руската инвазија на Украина, пренесува hr.n1info.
„Оваа одлука ја донесовме откако руските трупи ја нападнаа Украина од руска и белоруска територија“, изјави Ернеста Дапкиен, портпаролка на најголемиот литвански трговски синџир „Максима“.
Стоките од Русија и Белорусија, главно алкохолни пијалаци, учествуваат со само 1,3 отсто од продажбата на „Максима“.
„Рими“, уште еден голем трговски синџир, соопшти дека ќе ги отстрани руските производи од своите продавници во Литванија, Латвија и Естонија, објави новинската агенција БНС.
„Ги цениме и почитуваме различните мислења и целосно го поддржуваме изнаоѓањето мирни решенија во сите конфликтни ситуации. Затоа, прекинот на соработката со руските компании ни се чини логичен и неопходен потег во сегашната ситуација“, изјави Ваидо Падумае, извршен директор на „Рими Естонија“.
ЕУ најави нови санкции против Белорусија поради нејзината улога во рускиот напад врз Украина. Украинската гранична служба соопшти дека руските трупи, со белоруска поддршка, ја користеле Белорусија како една од влезните точки.
