Најпознатиот комичар во државата со својата екипа ја претставува точката во која со пенисите свират клавир. Неколку години подоцна, тој човек станува претседател на Украина..
Завршил правен факултет, станал една од најголемите актерски ѕвезди во државата, потоа и најпопуларен комичар во земјата, а потоа и претседател на таа држава?! Володимир Зеленски (44) очигледно е талентиран на повеќе фронта.
За неговото владење со Украина во најтешките моменти од независноста засега добива пофалби од челниците на западните држави, но тој се’ помалку им е наклонет откако вчера ги „искара“ поради нивните спори реакции и покрај побараната помош.
На „Јутјуб“ постојат неколку видеа на кои денешниот украински претседател со колегите-комедијанти се „глупира“, додека присутните се смеат до бесвест..
Снимките овие денови, кога Европа влезе во воена состојба, станаа вирални.
Видеото настанало пред околу пет години додека Зеленски се’ уште не беше влезен во политиката. Во еден од скечовите глуми и професор кој еден ден се буди и открива дека станал претседател на Украина. Таа желба во 2019 година навистина му се исполни.
Не е ова првпат поранешен актер да добие висока политичка функција. Роналд Реган пред да стане претседател глумеше во речиси 20 филмови, додека поранешниот калифорниски гувернер Арнолд Шфарценегер го спасуваше светот како Терминатор.
Извор: мастило.мк
