Русија воведе забрана за извоз на амониум нитрат, односно вештачко ѓубриво на два месеци, до 2 април, објави руската новинска агенција Тасс.
<
„Двомесечната забрана за извоз на амониум нитрат стапува на сила од 2 февруари“, соопшти владината прес-служба.
„Ова е привремена мерка. Останатите количини може да се извезат по 2 април, кога руските компании ќе се снабдат со соодветни количини амониум нитрат и кога ќе се задоволи побарувачката на домашниот пазар“, изјави првиот вицепремиер Андреј Белоусов.
Цените на амониум нитратот на светскиот пазар се зголемени за 2,5 до 3,5 пати во однос на минатата година поради скокот на цената на бензинот и намаленото производство.
