Во Украина ќе биде конфискуван имотот на Русија и на руските државјани.
Украинскиот Парламент денеска изгласа закон со кој се дозволува заплена на имот на Русија или на руски државјани во Украина, поради руската инвазија врз Украина. Украинската Влада ќе може да му предложи на Советот за безбедност кој имот да се конфискува, а откако Советот ќе даде согласност, имотот ќе премине во владеење на државата. Пред 8 дена Русија почна со инвазија на Украина. Според информации објавени во медиумите, околу 800.000 државјани на Украина, имаат и руски државјанства.
