Провокативен настап на Зеленски.
Видеото наречено „Made In Ukraine“, во кое украинскиот претседател Володимир Зеленски танцува во штикли и кожени панталони, е многу популарно последниве денови.
Во спотот на групата „Козаци“, создаден во 2014 година, сега украинскиот претседател и уште тројца мажи танцуваат во крајно необично издание.
На самиот почеток, играорците ги кинат своите народни носии и остануваат полуголи, облечени само во тесни костими.
Оваа група инаку е позната по слични настапи, а како што пишуваа украинските медиуми, една од нивните цели била поддршка на ЛГБТ популацијата.
Оваа пародија на Зеленски можеби не е изненадувачка бидејќи украинскиот претседател беше добро познато ТВ лице пред да влезе во политиката. Студирал право, но секогаш повеќе го интересирало актерството, поточно комедијата. Тој се приклучи на украинската КВН ТВ Комедија на 17 години и формираше свој тим Квартал 95. По неколку години успех, тие основаа своја продукциска куќа и почнаа да снимаат ТВ емисии.
Зеленски стекна голема популарност во филмот „Слуга на народот“, каде го толкуваше ликот на Васил Петровиќ Холобороѓ. Емисијата стана толку популарна, среде борбата на Украина против олигарсите и корупцијата, што Зеленски, во живо на ТВ на дочекот на Новата 2018 година, објави дека планира да ги следи стапките на својот лик и самиот да се кандидира за претседател.
Погледнете го и видеото на Зеленски кое е хит на социјалните мрежи:
