Регулаторната комисија за енергетика во околу пладне треба да ги соопшти новите цени на горивата по кои тие ќе се точат на бензинските пумпи од полноќ. Имајќи ги предвид движењата на цените на светските берзи извесно е дека од утре ќе возиме значително поскап бензин и дизел. За колку ќе биде тоа во овој момент е информација која ја знае само регулаторот.
Првиот човек на регулаторната комисија а вчера и Министерот за економија објавуваат графикони со кои покажуваат дека во моментов горивата во Македонија се меѓу најевтините во регионот.
Тие порачуваат дека и по поскапувањето денеска Македонија повторно ќе има најевтини горива во опкружувањето. Сепак, треба да се има предвид дека земјава е и меѓу оние кои имаат најниска просечна плата во опкружувањето и поради тоа, со просечната плата во Македонија може да се купи значително помалку гориво отколку со просечните плати кај земјите од регионот. На пример, според пресметките на Реглуаторна, најскапо гориво во регионот има Грција. Сепак, со просечната плата кај јужниот сосед може да се купат над 650 литра горива додека со просечната плата во Македонија едвај над 400.
