„Утре или задутре ќе донесеме одлука за забрана за извоз на пченица“, изјави денеска претседателот на Србија, Александар Вучиќ.
Тој најави дека Србија ќе го забрани извозот на пченица како една од мерките за спречување на последиците од кризата во светот.
-На Париската берза пченицата го достигна врвот. Не можете да најдете палмино масло … Не може да се најде. Од тоа не зависи нечиј живот, но тоа се проблеми. Кина купува сè што стига, сите залихи од памук ги купува Кина. Помислив дека сум виновен, кога го претчувствував тоа пред шест месеци, требаше да купувам, како Кина. Се молам на Господ да ја прекине војната во Украина, изјави Вучиќ.
„Кај нас динарот е солиден, не доцнат пензиите и платите, но до кога? Не можете ништо да предвидите. Утре или задутре ќе ја донесеме одлуката за извозот на пченица. Имаме доволно пченица, но мораме да ја чуваме за себе. Мора да обезбедиме леб за нашиот народ. Не можеме да си дозволиме да извезуваме и да немаме леб“, рече Вучиќ.
Тој рече дека цената на јагленот исто така скокнала многу.
„Катаклизма, ова не е видено од Втората светска војна. Само да не биде полошо“, рече Вучиќ и додаде дека Србија ќе преживее без последици, но се плаши од некои непредвидливи работи.
