Два повика – еден избришан, еден се уште активен на официјалниот Твитер профил на украинската амбасада – се бара учество на граѓани од Македонија во Меѓународната легија, нова воена формација во украинската војска, наменета за територијална одбрана на државата.
Поставени се и броеви и мејл адреси, каде граѓаните да се пријавуваат доколку македонските граѓани сакаат да учествуваат во воената формација, за да и помогнат на Украина.
Повикот на Украинската амбасада во Македонија доаѓа по најавата на украинскиот претседател, Володимир Зеленски од минатата недела, дека сите кои сакаат да се приклучат на Меѓународната легија за борбата против Русија можат тоа да го сторат без виза.
Повикот пак, е спротивен на кривичниот законик. Во Македонија е казниво дело учество во странска војска
– Предвидена е затворска казна од најмалку четири години. Иста казна е предвидена и доколку на било кој начин се шири јавна порака со која се врбуваат граѓаните.
Казна е предвидена и за регрутори, организатори и превезувачи на македонски граѓани за учество во странска војска – се предвидуваат казни од минимум 5 години.
Телевизја 24
