Петокот на 4 Март 2022 година ЈП”Плаваја” започна со пролетно садење на цвеќиња во жардињерите на булеварот и низ други јавни површини во Радовиш, кои се предвидени со Програмата за паркови и зеленило.
„И наместо сите да се радуваме во убавата глетка и цвеќињата кои ја најавуваат пролетта, да уживаме во нивните бои и природата која се буди, останавме занемени од сликата што ја затекнавме денес: СИТЕ ЦВЕЌИЊА ОТКОРНАТИ И УКРАДЕНИ“, реагираат од ЈП Плаваја, Радовиш.
„Жална слика која само ја отсликува нашата антикултура и антисоцијални навики. Вандалите не уништуваат само урбана опрема, тие почнаа да крадат и цвеќиња со кои се оплеменува урбаната средина.
Се надеваме дека ова ќе биде последен пат и дека сите што ги приметивте како крадат цвеќиња ќе продолжите да ги пријавувате и да ни испраќате фотографии“ велат од ЈП Плаваја по повод овој немил настан.
