Авионот на поранешниот претседател Доналд Трамп беше принуден да слета во саботата вечерта по неговиот говор на донаторски состанок во Њу Орлеанс организиран од Републиканскиот национален комитет.
– Авионот бил во воздух помеѓу 20 и 30 минути пред да откажа еден од моторите, а пилотот на приватниот авион решил да се сврти и да се врати на аеродромот во Њу Орлеанс, изјавил еден од изворите.
Авионот бил на пат кон Палм Бич на Флорида, каде што Трамп живее на неговиот имот Мар-а-Лаго, пишува Политико.
Аудио снимката од комуникацијата меѓу пилотот и кулата за контрола на летање откри дека слетувањето е опишано како „итно“, вели изворот, кој бил информиран за снимката. Кога авионот слетал, РНЦ нашла друг авион за поранешниот претседател. Трамп конечно слета на Палм Бич во неделата околу 3 часот наутро. Портпаролите на Трамп и РНЦ одбија да коментираат.
