Украинскиот претседател Володимир Зеленски во интервју за „Vice“ изјави дека мисли оти рускиот претседател Владимир Путин ќе престане со неговото непријателско однесување и дека конечно ќе има вистински преговори.
Путин видел дека Русите се соочуваат со жесток отпор од Украинците.
„Мислам дека ќе го направи тоа . Мислам дека гледа дека сме силни“, рече Зеленски. „Ќе, ни треба само малку време“, додава тој.
Пентагон проценил дека Русите изгубиле четири илјади војници. Зеленски вели дека руските сили напредуваат побавно низ Украина и дека Русија и целиот свет се изненадени од силниот одговор на Украинците. Зеленски смета дека овие факти ќе го принудат Путин да го прекине конфликтот преку преговори.
Новинарот го прашал украинскиот претседател дали може да му верува на Путин, на што тој одговорил: „Доверба? О, не. Јас му верувам само на моето семејство“. Потоа се појави прашањето дали тогаш може нешто да се договори со Путин.
„Мораме, за да ја запреме оваа војна… Како да ја запреме оваа војна? Само преку дијалог. И само преку дијалог со претседателот на Русија. Русија се бори со нас, таа влезе во нашите куќи, кај нашите деца… Ние не ги поканивме“, вели Зеленски. Неговата порака до Путин е „Стоп за војната. Почни да зборуваш. Тоа е се.“.
Запрашан што ќе се случи доколку Путин не преговара, Зеленски одговори: „Мислам дека ќе го направи тоа. Мислам дека гледа дека сме силни. Ни треба само малку време“.
