Кривичниот суд изрече две казни за случајот “Јавна соба”. Основачот на оваа група на социјалната мрежа “Телеграм”, Дарко Костовски доби 4 години затвор, а на исто толку години е осуден и администраторот Михаил Паневски.
Костовски и Паневски се гонеа за кривично дело производство и дистрибуција на детска порнографија. Дури 102.000 фотографии и видеа биле најдени во телефонот на Костовски, а повеќе 14.000 фотографии и видеа кај Паневски, кажа судијката Билјана Коцевска.
Обвинетите се огласуваат за виновни бидејќи првообвинетиот ја основал групата Јавна соба на Телеграм, а второобвинетиот како модератор иако морале да внимаваат што се прикачува во групата, дозволиле да се направи достапно видео со порнографски елементи со дете“, додаде Коцевска.
Двајцата беа и во притвор поради опасност од бегство. А во обвинителниот акт стоеше: „Во периодот од 19.12.2019 година до 28.01.2020 година, двајцата обвинети, како основач и модератор на групата ‘Јавна соба’ на социјалната мрежа Телеграм, биле должни да се грижат за содржината на текстуалните и аудио-визуелните содржини кои се споделуваат од членовите на групата“.
Потсетуваме, креаторот на групата е на возраст од 33 години, семеен човек со 2-годишно дете. Администраторот е од Скопје и требало да стане полицаец. Двајцата биле во притвор поради можноста да избегаат.
Toчка.Мк
