Иако помина еден месец од протестот против отворањето на казино во близина на градинката во Тетово, сепак продолжуваат подготовките за нејзино отворање. Јуши Емерлаху од Движењето против коцкање вели дека испратиле барање до Министерството за финансии за отстранување на казината, но нивното барање, како што вели, не е земено предвид. Доколку продолжи овој молк, тој предупредува дека повторно ќе излезат на улица, но овој пат пред Владата.
„За ова казино во близина на градинката, кое е блиску до отворање, бараме одговорност од министерот за финансии бидејќи директно добиваат дозволи од Министерството за финансии. Планираме доколку Министерството за финансии не дејствува, ќе бидеме принудени да излеземе на улица и да организираме поголем протест што ќе го направиме пред Владата и пред Министерството за финансии“, посочи Јуши Емерлаху
Општина Тетово има свој план како да ги зголеми трошоците на казината. Претседателот на Советот на општината Бесар Дурмиши вели дека зголемувањето на таксата за светлечките реклами ќе го отежне функционирањето на оваа дејност, а од Собранието ќе се бара казината да бидат лоцирани на 500 метри од градинките и верските објекти.
„Секторот за општински дејности веќе добил задачи да состави уште еден список и програма за 2022 година за ценовникот на светлечки сигнали кои ги имаат тие реклами, за да има повисока цена што ќе ја отежне работата на казината, односно овој сектор., оваа деловна дејност. Ќе бараме од советниците да се одржи седница само за оваа активност или прашање на која ќе донесеме заклучоци и нашите барања да ги испратиме до Владата и Собранието на Македонија“, додава Бесар Дурмиши.
