На ЈуТјуб денеска се појавија две аудио снимки од телефонски разговори меѓу бизнисменот Орце Камчев и екс премиерот Никола Груевски, на која Камчев му реферира на Груевски како тече судењето за случајот „Плацеви на Водно“ и што тој кажал пред судиите и како одговарал на прашањата на обвинителството.
Камчев му објаснува дека обвинителката Лиле Стефанова цело време е обвинител во случаите против него и заклучува „Мафија бре шефе“, Не сме пи*ки како другите. Ја и ти машки играме“, вели бизнисменот и додава дека тие се такви по карактер иако не се дружеле многу.
Зошто и како се појавија новите аудио бомби како во моментот кога тече судскиот процес за „Плацевите на Водно“ нема објаснување, освен дека не станува збор за телефонско прислушување, туку разговорот е сниман со уред.
Минатата недела по сведочењето на Камчев, екс премиерот Груевски го нападна преку Фејсбук за изнесени лаги во судницата.
