Поранешниот градоначалник на Општина Карпош и актуелен потпретседател на СДСМ, Стефан Богоев, се прости со неговиот татко, новинарот Владимир Богоев, со стихови од легендарните Квин, омилен бенд на татко му – Шоуто мора да продолжи!
Си замина мојот татко, а ваш другар и пријател Владимир Богоев. Тажен сум зошто го нема, пресреќен сум зошто го имав во животот. Човечиште во секоја смисла на зборот, бескрајно скромен и секогаш спремен да помогне. Новинар, еден од основачите на ,,Дневник”.
Ти благодарам што си ми татко, ти благодарам за СЕ ! Муабетете со Трајко и трчајте со Лиле на небото.
Еден ден, ќе бидеме заедно пак, ќе збориме за политика, ќе се закачаме за Барса и Реал…
А до тогаш, со зборовите на твоите Queen, Show must go on – објави Богоев.
