Воведуваме нова програма на Влада со која градиме систем во кој градинките, училиштата, армијата, полицијата, ќе се снабдуваат со домашни производи, со домашни јаболка, млеко, млечни производи – изјави министерот за земјоделство, шумарство и водостопанство Љупчо Николовски во интервју за телевизија Сител.
Преку Законот за земјоделство и рурален развој оваа година правиме програма да ги ставиме во систем сите овие инситуции кои ќе можат да помогнат во пласманот на вишокот земјоделски производи. Креираме постојано нови мерки и политики, постојано сме на терен со земјоделците, а наскоро ќе се сретнеме со турскиот министер за земјоделство и храна за да обезбедиме вештачко ѓубриво и за наредната сезона. Во овој период ќе бидеме насочени кон градинарите и пласманот на градинарските производи за да помогнеме максимално во ова време на светска криза и изместени пазарни услови – изјави Николовски.
