Претседателката на Косово, Вјоса Османи, на покана на семејството Олбрајт следната недела ќе отпатува во САД, каде ќе присуствува на погребот на поранешната американска државна секретарка Медлин Олбрајт.
Османи за време на престојот во САД ќе одржи неколку состаноци, пренесуваат косовските медиуми.
Државната секретарка во администрацијата на Бил Клинтон почина на 23 март на 84-годишна возраст. Олбрајт трипати го посети Косово и Метохија. Таа за прв пат беше веднаш по војната во 1999 година, потоа во 2005 година и третиот пат во 2019 година кога присуствуваше на поставувањето на нејзината биста во Приштина.
Нејзиното семејство објави дека Олбрајт починала од рак. Погребот на поранешната државна секретарка Медлин Корбел Олбрајт ќе се одржи во националната катедрала во Вашингтон на 27 април.
