Актуелниот директор на Бирото за јавна безбедност Сашо Тасевски на 27 април пукаше со пиштол во Собранието и не е санкциониран, а тие што удрија по една клоца добија долгогодишни затворски казни, реча пратеникот на ВМРО-ДПМНЕ Драган Ковачки на денешната собраниска седница за пратенички прашања, обраќајќи се до министерот за внатрешни работи Оливер Спасовски.
<
-Актуелниот директор на БЈБ на 27 април носеше пиштол како обезбедување, спротивно на законската регулатива. Кој го санкционира него – праша Ковачки, додавајќи дека затворските казни за осудените за терористичко загрозување на уставниот поредок поради упадот во парламентот се неправедни.
Според него, секогаш кога власта нема аргументи ја враќа темата за 27 април.
