„Доколку од 2000 или од 1991 година постепено се зголемуваше платата на наставниците за одреден процент, сега немаше да имаме проблем и потреба за штрајк, туку ќе земавме по 1000 евра плата“ изјави директорката на Државниот испитен центар во „24 анализа“ на ТВ24.
Таа додаде дека наставнците треба да бидат посветени кон својата професија и да самите да ја почитуваат, со цел почит да добијат и од општеството.
„Потребно е и јакнење на капацитетите на наставниците, бидејќи додека имавме настава на далечина имаше наставници кои на часови се вклучуваа од викендици и со езеро во позадина. Можеби се мал дел, но оставаат лоша слика за сите нас како наставници“ рече Наумовска.
Таа додаде дека поради штрајкот, учениците ќе ги изгубат часовите, кои се предвидени од 20 до 27 мај за подготвителна настава и други форми за помош за тие кои полагаат поправни испити, испити на година, дополнителни испити, матура и завршни испити.
