Министерот за внатрешни работи Оливер Спасовски на денешната сесија на пратенички прашања во Собранието рече дека лице од службеното обезбедување кое го побарал лидерот на ВМРО-ДПМНЕ, Христијан Мицкоски, оставил службено возило да работи во место 13 часа.
– Едно од лицата за обезбедување на вашиот лидер зема службено возило и заборави дека го оставил 13 часа во погон пред една продавница. Обезбедувањето на лидерот на опозицијата заборавило во погон возило и за него беше појкрената постапка и беше казнет, гласеше дел од одговорот на Спасовски кон пратеникот Драган Ковачки.
Министерот потсети дека вакво барање за службено обезбедување било доставено од ВМРО-ДПМНЕ, а потоа испратено до Агенцијата за национална безбедност да направи проценка дали е потребно физичко обезбедување за да се зачува неговиот интегритет под закани упатени на Фејсбук.
Мицкоски пред четири гдоини доби полициско – службено обезбедување. Полициско обезбедување може да се додели по барање на лицето кое појаснува дека има безбедносен ризик по неговиот живот или да биде продолжено по претходна проценка за безбедноста на субјектот.
