Јапонскиот оперски пејач Казухиро Котецу, кој работи во операта во Токио, на концерт ја испеа македонската песна „Едно име имаме“. тој видеото го објави на Јујтјуб и доби пофалби за пеењето.
Не е првпат тој да пее македонски народни песни, па веќе објавуваше видеа од „Македонско девојче“, „Болен ми лежи Миле Поп Јорданов“, „Ако умрам ил загинам“. Тој е познат и како голем пријател на македонскиот тенор Благој Нацески. Не крие дека ја сака Македонија, особено песните на Јонче Христовски.
