Виктор Канзуров и неговата сопруга Станислава, денеска преку Фејсбук се пофалија дека ги фрлиле во канта венците на ОМО Илинден на споменикот на македонскиот револуционер Јане Сандански во Мелник, Бугарија.
Виктор Канзуров е познат државјанин на Македонија, самопрогласен деец и борец за правата на Бугарите во Македонија.
Колку ниско може да падне еден „борец за права“?! Многу ниско. Го докажа тоа „борецот за права“ Виктор Канзуров, реагираше Стојко Стојков, копретседателот на ОМО Илинден-Пирин, нерегистрираната партија на Македонците во Бугарија.
„Поминаа три недели откако македонските организации во Бугарија му оддадоа почит на Јане Сандански. Три недели нивните венци беа на споменикот на војводата во Мелник и никој местен не се најде да ги тргне, а дури ниту туристите од Бугарија. Ама се најде „јунак“ – „борец за права“, Бугарин од Република Македонија, кој ја зел за помошник во големото дело и својата жена, па дојде и ги фрли во корпа венците дадени за почит на војводата. Да газат на лентата на организацијата на Репресираните Македонци во Бугарија жртви на комунистичкиот терор, на луѓе што лежеле во бугарски затвори затоа што се Македонци и кои за разлика од измислените непостоечки „репресирани Бугари“ во Македонија ги имаат своите пресуди тоа да го докажат.
И да се фали преку жена си со тоа на фејсбук!
И секакви националисти и македономрасци од Бугарија да го слават за тоа.
Достоен херој на бугарштината. И срам за човештината!
За повеќе детали,Тука
