Во петокот три трговски центри, четири студентски домови и некои други објекти во центарот на Белград добиле дојава за бомби
Во текот на минатиот месец вакви дојави за поставени бомби имаше за три трговски центри и за училишта. Пред тоа неколкупати имаше дојави и за авиони на „Ер Србија“ на релација до Москва и за седиштето на „Ер Србија“
Дури 97 основни училишта во Белград, како и некои средни училишта утринава добиле дојави за бомби, соопшти Министерството за образование.
По детална проверка на противдиверзивните екипи на МВР во поголем број училишта, утврдено е дека пријавите за поставените бомби се лажни, се наведува во соопштението на Министерството.
„Учениците се вратени на настава, а во училиштата каде што сè уште трае безбедносната проверка, учениците се пратени дома. Откако ќе заврши увидот во училиштето, учениците ќе бидат вратени на настава“,
нагласуваат од министерството.
Пријавите стигнале во раните утрински часови, во едно од училиштата било во 6.15 часот.
