Црна Гора, Македонија и Бугарија го забранија прелетувањето на авионот со рускиот министер за надворешни работи Сергеј Лавров за утре да го посети Белград, потврдија за Данас извори од српскиот државен врв.
Како што јави дописникот на МИА од Белград, од кабинетот на претседателот Александар Вучиќ стигна соопштение дека утре во 10 часот ќе се сретне со рускиот амбасадор во Белград, Александар Боцан-Харченко.
Сето ова на дело ги потврди зборовите на претседателот на Србија, Александар Вучиќ, кој јавно соопшти дека работите се комплицирани во врска со планираното доаѓање на министерот за надворешни работи на Руската Федерација.
Премиерката Ана Брнабиќ денеска изјави дека ситуацијата околу доаѓањето на шефот на руската дипломатија Сергеј Лавров во Белград е „исклучително комплицирана“ и дека со логистиката на неговото патување се занимава српскиот претседател Александар Вучиќ.
– Навистина е неверојатно ситуацијата во Европа и во светот да е таква што претседателот на една земја треба да се занимава со такви работи, како што е логистиката на патувањето на еден министер за надворешни работи, од што зависи дали тој ќе дојде или не, рече Брнабиќ за Пинк ТВ и додаде дека во прашање се проблеми со „прелетите“ со авион.
Македонија, Црна Гора и Бугарија го забранија прелетувањето на авионот во кој министерот Лавров требаше да слета во Белград.
<
ПОВРЗАНИ СТАТИИ
