5 C
Ohrid
сабота, април 20, 2024
ПочетнаМакедонијаКовачевски: Со растот на платите покажавме дека работниците ни се на прво...

Ковачевски: Со растот на платите покажавме дека работниците ни се на прво место

Премиерот Димитар Ковачевски во придружба на министерот за земјоделство, шумарство и водостопанство Љупчо Николовски, заменик на претседателот на Владата за економски прашања, координација на економските ресори и инвестиции Фатмир Битиќи, градоначалник на Пробиштип Драган Анастасов, во рамки на посетата на Општина Пробиштип денеска ја посети и компанијата „Булмак 2016“, која е одличен пример за успешно работење и јасна бизнис стратегија.

Со јасна визија и бизнис стратегија, нагласи Ковачевски, тие од рудникот „Злетово“, како фирма во стечај, за кус временски период направија успешна економска приказна.

– Рудникот „Злетово“ кој е од суштинско значење за градот и околината, е место каде што се вработени 454 инженери и рудари, нешто што му даде сила и елан на овој град да оди во прогрес. Дури и во време на криза и пандемијата со КОВИД-19, „Булмак 2016“ е вброена во најуспешните 30 компании во земјата, рече Ковачевски.

Во „Злетово“ и „Тораница“, компанијата вработува околу 800 вработени. Го зголеми производството, посочи премиерот, и не само што го задржа нивото на плати, туку и ги зголеми платите на вработените во однос на претходните години.

Според Ковачевски, рударството е еден од главните двигатели на нашата економија. Со преку 100 активни рудници, заедно со придружните дејности што го опслужуваат, овој секор вработува околу 10.000 луѓе и учествува со повеќе од 10 проценти во вкупното индустриско производство на Република Северна Македонија.

– Во име на почит и достојно признание за тешката работа на рударите, оваа Влада го исполни нивното долгогодишно барање за намалување на старосната граница за пензионирање и исправи една голема неправда. Со измени на Законот за пензиско и инвалидско осигурување, сега рударите наместо на 58, правото на пензија можат да го остварат на 50 години. Грижата за работниците и за граѓаните е на прво место на оваа Влада. И во услови на најголема светска криза продолжуваме политики кои го поттикнуваат растот на просечната плата која надмина 30.000 денари, нагласи премиерот Ковачевски.

Потсети дека пензиите доживеаја историски најголем раст, прво, како што рече, преку усогласувањето направено на почетокот на годината преку менувањето на методологијата и усогласувањето кое што ќе следува во месец октомври.

Трендот на раст и развој на компанијата, оцени Ковачевски, е значаен и за одржлив развој на градот и општината Пробиштип.

Дополнително, напомена дека „Булмак 2016“ е резултат и на добрите економски врски со соседна Бугарија, со потенцијал за дополнително унапредување.

– Република Бугарија е наш шести најголем трговски партнер и имаме вкупна трговска размена од над 581 милиони евра. „Булмак 2016“ е пример за заедничка инвестициска соработка која треба да се следи. Соседна Бугарија е меѓу десетте наши најголеми трговски партнери, како што се и соседна Грција и Србија, се наведува во соопштението од владината прес-служба.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...