9.4 C
Ohrid
петок, март 29, 2024
ПочетнаМакедонијаПоскапе автобускиот превоз Куманово-Скопје, ќе достигне цена и до 200 денари во...

Поскапе автобускиот превоз Куманово-Скопје, ќе достигне цена и до 200 денари во правец, велат превозниците

Од денеска за 20 денари поскапе автобускиот превоз на релацијата Куманово – Скопје. Наместо 150 денари колку што чинеше билетот во еден правец, сега патниците мора да платат 170 денари. Во двата правци тоа се 340 денари. За 24 работни денови секој патник треба да издвои 8160 денари, пишува kumanovonews.mk.

Патниците се жалат дека поскапувањето е голем удар за семејниот буџет, бидејќи автобускиот превоз го користат главно студенти и вработени во Скопје, кои за да стигнат на работа сега мора да дадат пола плата.

„Со автобус патуваат оние коишто се пониски примања, другите одат со кола. Во Германија превозот во цела држава за цел месец е 9 евра, а кај нас таа цена за ден и половина“, вели кумановец.

Дел од кумановските прeвозници велат дека не знаеле за поскапувањето, бидејќи никој не ги известил и денеска возеле по стара цена, но најавуваат дека и тие ќе направат корекција.

„Поскапеа нафтените деривати и ние немаме друг избор, ако продолжи вака ќе отиде цената на 200 денари. Знаеме дека е скапо ама немаме економска исплатливост, литар нафта е 100 денари. Доколку државата одлучи да го субвенционира превозот ќе ги вратиме старите цени“, велат превозниците, кои додаваат дека месечната карта се` уште чини 4.200 денари и важи за 30 дена во месецот.

Автобуската карта од Куманово за Скопје се зголеми пред 5 месеци од 120 на 150 денари.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...