За неколку денари поевтини денеска основните прехранбени производи во дел од маркетите.
Најголема разлика има кај маслото за јадење – во некои маркети е намалено до 7 денари, но некаде цената е останата иста. Другите основни призводи пак, како лебот, јајцата, брашното се поевтини за 1 до 3 денари.
Граѓаните велат дека не ја чувствуваат разликата во цените, поради постојаното зголемување и намалување на вредноста на производите.
Отакако вчера во поголемиот дел од маркетите не беа намалени цените, по владината одлука да се намалат маржите на 5 и 10%, денеска пазарните инспектори изглегоа на терен во проверка. Заклучокот е дека владината мерка се почитува од страна на трговците.
Од Владата пак велат дека замрзнувањето на маржата на одредени производи веднаш дала резултат, а цените се намалиле за 5 до 10%.
Корекција на цените се прави од денеска, а ќе продолжи и во претстојните денови. Најголемо намалување се очекува кај маслото за јадење и до 10%, кај тестенините, како и на сите останати основни производи опфатени во владината одлука.
Замрзнувањето на маржата на основните прехранбени производи ќе важи до 30 септември, но од Владата посочуваат дека зависно од состојбата на пазарот, ќе се разгледува можноста одлуката да се продолжи до крајот на годината.
sitel tv
