Таеквондо клубот „ХВА РАНГ ИТФ” од Лескоец успешно го организираше Меѓународниот ИТФ турнир „Охрид Опен 2022”, на кој учество зедоа над 210 натпреварувачи од 31 клуб од Словенија, Хрватска, Бих, Србија, Бугарија,Албанија , Грција и Македонија.
Во Охрид беа најдобрите натпреварувачи од сите клубови, а се натпреваруваа во две дисциплини форми и борби.
Охридскиот клуб настапи со 44 натпреварувачи, за дел од нив беше прв натпревар, а за некои и прв медал. Освоија 51 медал од кои 8 златни, 15 сребрени и 28 бронзени , со што „ХВА РАНГ ИТФ“ беше најтрофеен клуб на натпреварот.
Благодарност до нашиот генерален спонзор „ПН Метал”, исто така до општина Охрид, а за да биде комплетно на највисоко ниво нашиот турнир со пренос во живо и фотографии помогна Стојан Стојаноски и неговата екипа. Благодарност на сите што помогнаа во учество на овој турнир, вели Марјанчо Лазаревски носител на црн појас V дан , претседател на клубот, претседател на Македонската ИТФ и поранешен светски вицешампион Прага’96.
За најдобари клубови на натпреварот беа избрани: „Тајгер тим“ од Перник, „Тервел 2006“ од Севлиево и „Тонг Ил“ од Нови Сад.
Лазаревски потенцира дека организацијата на турнирот била на највисоко ниво, по сите највисоки светски ИТФ стандарди, со електронски судиски ситем со можност за видео протест, заштитник за сите податоци, а за судиската екипа беше задолжен еден од најдобрите судии во светот Мастер Вергилиј Ситнилски носител на црн појас VII дан.
