Османи: Лично преговарав во Софија, новиот француски предлог е конечен

Министерот за надворешни работи, Бујар Османи, во изјава за Канал 5 потврди дека изменетиот француски предлог, кој денеска пристигна во Владата, е конечен. Тој вели дека пред два дена лично ги водел разговорите во Софија околу последната форма на документот.

Ако го прифатиме предлогот , преговорите со ЕУ ги започнуваме следните денови“, вели Османи, кој во моментов е во Истанбул, на враќање од Самитот на НАТО во Мадрид.

Јас имам мој став по однос на предлогот, но мислам дека е покоректно прво да го презентирам пред претседателот, Владата, другите институции… се разбира утре, се надевам и пред јавноста и медиумите. Не би можел да навлезам во конкретните решенија што ги има во предлогот, она што е важно е дека тој ги адресира забелешките кои ние ги имавме по работната верзија којашто беше дистрибуирана. Сепак, треба да се разгледа целиот пакет, сите аспекти, ставови… и потоа да се комуницира официјално со француското претседателство“, изјави министерот Османи.

ОСТАВИ КОМЕНТАР

Please enter your comment!
Please enter your name here