Пристанишните власти на Халкидики трагаат по двајца државјани на Северна Македонија кои исчезнаа во морскиот предел на Посиди.Тамошните медиуми јавуваат дека туристите пливале на плажата „Мити“.
Крајбрежната стража од водата изваде еден државјанин на Северна Македонија, додека потрагата по двајца се уште трае.Како што јави грчката телевизија „Скај“, исчезнатите го прославувале роденденот на забава на плажа.
Тие скокнале во водата и струјата ги однела. Во спасувачката акција биле ангажирани хеликоптери и три пловни објекти на крајбрежната стража.
Во областа Посиди дува ветер од 5 до 6 степени по бофор, (М.Т.)
Извор: Тв Нова
