Левица реагира на одлуката на градоначалникот на Тетово Билал Касами да го накити градот само со албански знамиња, без ниту едно државно – македонско знаме, при чествувањето на Рифат Јашари, со што го прекрши законот за знамиња.
Во продолжение реакцијата на Левица:
Градоначалникот Касами, по повод големиот празник за Тетово на кој се чевствува поставувањето на Рифат Јашари, имено братот на Адем Јашари од Косово, за почесен граѓанин, го накити градот само со албански знамиња.
Тетово е македонски град градоначалниче Касами, а вие овој “празник” го прославувате само со албански знамиња!?
Сепак, можеби градоначалниче Касами вие сте прилично нов на оваа функција и не сте знаеле дека постои закон во кој се вели дека во единицата на локалната самоуправа, во која живеат граѓани припадници на заедницата и се мнозинството од населението во таа единица на локалната самоуправа, согласно доколку се истакне знамето на таа заедница, се истакнува и знамето на Македонија.
Имено, командантот Адем Јашари беше основач на УЧК а беше убиен во нападот на српските специјални полициски сили на селото Преказ, во чиј напад беа убиени и 58 членови на неговото семејство. Тој е осуден за тероризам, додека косовските Албанци го сметаат за херој на нивната борба за независност.
Колку за потсетување, на времето Зоран Заев и дозволи на косовската војска, која не беше никаква војска и беше во спротивност со резолуциите на Обединетите нации, слободно да влегува во Македонија.
Нека е честит празникот!
Тетово го празнуваше Рифат Јашари само со албански знамиња
<
