22.9 C
Ohrid
петок, јуни 27, 2025
ПочетнаМакедонијаОбединети за Македонија: Етнички егзодус во Кичево -Македонските книги исфрлени од библиотека...

Обединети за Македонија: Етнички егзодус во Кичево -Македонските книги исфрлени од библиотека а директорот комуницира само на албански

spot_imgspot_imgspot_imgspot_img
spot_img

Ја повикуваме министерката за култура Бисера Костадиновска-Стојчевска, да реагира правично и целата коалиција да донесува одлуки, позитивни за граѓаните. Цврсто застануваме против секој вид етнички национализам и сепаратизам од која било етничка заедница. Стоиме на ставот дека државниот патриотизам е клучен фактор за заеднички сили на сите за напредок на државата, се вели во реакцијата на партијата Обединети за Македонија за случувањата во Домот на културата „Кочо Рацин“ во Кичево.

<

„Сведоци сме на политичко пазарење и некадарни вработувања, како и цензура на имиња на државни институции со кои се создава револт кај сите македонски граѓани, без разлика на која националност или вера припаѓаат.

Во Општина Кичево, каде во националната установа Центар на култура „Кочо Рацин“ се поставува директор, по наредба на министерката за култура Бисера Костадиновска-Стојчевска, кој има две години искуство во самата институција. Тоа се направи на нетранспарентен селективен начин со целосно игнорирање на вработените кои имаат десетици години искуство во таа институција.

Етничкиот национализам преовладува и во незаконската цензура на името на институцијата. Во самата институција се форсира албанскиот јазик, а македонскиот во најголем број не се ни користи во односите со јавноста. Неофицијално се користат термините „Култура Кичево“, „Дом на култура“, а се цензурира и ликот на Коста Солев Рацин. Логото на институцијата не се користи поради ликот на Кочо Рацин во него.

Најголемата катастрофа е направена во библиотеката која работи под оваа институција, која е користена 40 години од жителите. Исфрлени се книгите и ставени во пакети, за на тоа место да почне постапката за отворање галерија на ликовниот уметник Осман Калеси. Немаме ништо против создавање на нова галерија, но не под услов да биде уништена библиотеката која има долгогодишна историја.

Поделбите се создадени директно од централната власт, но најголема одговорност има Министерството за култура, каде министерката  Бисера Костадиновска-Стојчевска дозволи заменик-министерот да држи состаноци и говор само пред македонските Албанци.

Ваков етнички егзодус и поделби во Општина Кичево и разнебитување на единството на сите етнички заедници се нема случено во Кичево со децении“, соопшти Обединети за Македонија.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Стружани сами си го поправија дрвениот мост на реката Црн Дрим.

Чекаа реакција од градоначалникот, но залудно – па стружани решија работата да ја превземат во свои раце. Еден од дрвените мостови на шеталиштето покрај...

Таравари: Сегашниот ќе биде и иден градоначалник на Гостивар

Валбон Лимани, актуелниот вршител на должноста вд градоначалник на општина Гостивар, ќе биде кандидат за уште еден мандат, соопштти Арбен Таравари, синоќа на граѓанскиот...

Страшна сообраќајка кај селото Извор-Кичево: Судир помеѓу мерцедес со странски таблички и опел астра со охридски ознаки !!!

На Страшна сообраќајка кај Подмоље: Судир На магистралниот пат А2, во близина на кичевското село Извор- Подмоље, денеска се случи тешка сообраќајна незгода во која учествувале...

Една година Ескобар Струга – забава со Балканикос, коктели и италијански вкусови.

Една година Ескобар Струга – забава со Балканикос, коктели и италијански вкусови! ЕСКОБАР СТРУГА слави 1 година постоење – и вие сте поканети на роденденска...