По телефонски повик од самохрана мајка од Куманово примател на социјлана помош до утринската редакција на ТВ Сител за исклучена електрична енергија во нејзиниот дом, нашата екипа се упати на лице место.
Единствено светло во куќата е она кое влегува низ малиот прозорец во дневната соба, мирисот од расипаната храна, неможност да ги испере алиштата и постелнината уште се чустувува. А освен електричната енергија, голем проблем за Призренка Мичиќ се и здравствените потешкотии со која таа се соочува, како самата вели, веќе не ни знам што се имам, а најжално е тоа што лекови купува само кога ќе останат пари од социјалната помош и средствата за нега.
Нејзината финансиската состојба е лоша, куќата во фаза на распаѓање, а ѕидовите мувлосани. Во куќата има се освен услови за нормален живот. Пред неколку дена, струјомерот е исклучен, а за светлото повторно да светне во нејзиниот дом потребно е да го подмири долгот од 16000 денари.
Здравствените потешкотии, немањето работа и малата социјална помош никако не се доволни за обезбедување барем основни човечки потреби. Затоа секој хуман граѓанин кој сака да помогне, може да ја контактира госпоѓа Призренка на нејзиниот телефонски број 071 311 316 или истото да го стори донирајќи на нејзината трансакциска сметка 320500028475883 Aнгела Мичиќ
