Македонската влада ќе им помогне на Македонците во Албанија да ја зачуваат етничката и културна посебност..
Македонците во Албанија му ги кажаа маките на министерот Османи кој денеска ги посети Голо Брдо и Пустец во кои живее македонско население. Откако од македонските здруженија алармираа за зголемена бугарска пропаганда и уцени од Софија за Македонците да се попишат како Бугари на пописот во октомври, Османи лично ќе се информира за ваквите притисоци. По денешните средби со Македонците од Пустец и Голо Брдо порача дека Македонија дава поддршка за заштита и промоција на јазични и културни особености на македонската заедница таму преку конкретни проекти и соработка.
Во Пустец Османи заедно со претседателот на Македонската алијанса за европска иднина (МАЕИ), Васил Стерјовски и градоначалникот на Општината, Пали Колефски, посетија повеќе локации, училишта, спомен куќи, кои се од посебно значење за локалните жители.
