Марко Пејчиновски, дете кое боледува од ретка болест, го преплива Охридското Езеро на релација Охрид – Струга – Свети Наум со време од 21 час, 41 минута и 48 секунди.
Со овој неверојатен подвиг Марко на само 16 години ги комплетираше сите 10 препливувања во едно лето во должина од 250 километри.
– Се чувствувам одлично. Беше тешко, пред се поради неповолната струја на моменти, но успеав да ги надминам проблемите и за разлика од 2019 да испливам до целта, изјави Пејчиновски по пристигнувањето на целта.
Марко е еден од 12-те млади инспиративни луѓе вклучени во изложбата „Future of Europe“ поставена во East Gate Mall во Скопје.
