По палењето на викендичката на државниот правобранител за имоти, Станко Китановски, како автор на подметнувањето пожар бил фатен Урим Џафери од Кичево, кој е во притвор, но неговиот татко Бајрам Џафери денеска ги повика новинарите да каже дека синот не е виновен и дека тој не го нарачал пожарот.
Тој тврди дека сторителот лажел и дека сега е на слобода.
Тој бара од органите на правдата да реагираат и да не го држат неговиот син во затвор без факти.
Судењето за случајот ќе се одржи утре.
„Момчето поради некоја причина е во притвор на некој нечесен човек кој извршил кривично дело и не знаеме зошто ситуацијата е дојдена до оваа точка. Испративме барање и до обвинителството и до второстепениот суд во Гостивар со гаранција да го ослободат и досега не е преземено ништо, момчето без причина останува во притвор и со лисици. Апелираме до судиите, до обвинителството да го ослободат бидејќи против него нема обвиненија, нема докази, само некаков инает. Сторителот на кривичното дело е познат, сторителот е нечесно лице кое речиси цел живот се занимава со такви работи, шета низ градот додека ние седиме затворени со наведната глава“, вели Бајрам Џафери.
