10.9 C
Ohrid
четврток, април 3, 2025
ПочетнаМакедонијаБектеши: Стапивме во контакт со фирмата за набавка на гас што ја...

Бектеши: Стапивме во контакт со фирмата за набавка на гас што ја посочи Мицкоски и за утре е закажан состанок

spot_imgspot_imgspot_imgspot_img
spot_img

Тој додаде дека доколку се постигне договор и ако деталите и условите од понудата бидат прифатливи за ЕСМ, договорот треба да го склучи државната компанија ЕСМ со компанијата трговец со природен гас. Станува збор за компанија која е регистрирана во Европа, а средбата нема да биде во Скопје, туку ќе биде надвор од земјава

<

До крајот на оваа недела, најави Бектеши, треба да стапат во контакт и со уште една компанија со која треба да се разговара за набавка на мазут

Министерството за економија стапило во контакт со една од компаниите што ги понуди лидерот на ВМРО-ДПМНЕ, Христијан Мицкоски на состанокот во Владата за справување со кризата со енергенси и за утре е закажан состанок со претставници на фирмата на кој ќе се разговара за детали, информираше ресорниот министер, Крешник Бектеши, во вечерашното гостување на Сител.

Станува збор за компанија со која ќе се разговара за набавка на природен гас. На состанокот, покрај министерот Бектешки, како што информираше тој, ќе присуствуваат и директорот на Електрани на Северна Македонија (ЕСМ) Васко Ковачевски и советникот на премиерот за енергетика.

До крајот на оваа недела, најави Бектеши, треба да стапат во контакт и со уште една компанија со која треба да се разговара за набавка на мазут.

„Стапивме во контак со една од компаниите, со другата компанија со која најверојанто би требало тема на разговор да биде набавка на поевтин мазут, тоа ќе биде дополнително до крајот на оваа недела, најверојатно сабота или пак во недела . Во однос на компанијата која ја предложи г-динот Мицкоски во делот на снабдување со природен гас утре веќе е закажан состанок заедно генералниот директор на ЕСМ, Ковачевски и со советникот на премиерот за енергетика и јас лично ќе учествувам на тој состанок каде што ќе разговараме за детали“,

изјави Бектеши.
Тој додаде дека доколку се постигне договор и ако деталите и условите од понудата бидат прифатливи за ЕСМ, договорот треба да го склучи државната компанија ЕСМ со компанијата трговец со природен гас.

„За да се подготви состанокот од наша страна се испратени количините и потребите на С Македонија, вклучително и потребите на ТЕ-ТО кое произведува електрична енергија, а воедно како нус-производ произведува и топлинска енергија. Генерално, да бидат информирани граѓаните околу шеестина отсто од потребите за топлинска енергија на граѓаните на Град Скопје кога работи во базен режим се произведува од ТЕ-ТО што ги намалува потоа трошоците на другите топлани `Исток` и `Запад` бидејќи `Север` работи според друга методологија. Ние количините ги испративме и согласно првичните најави ќе добиеме понуда утре, таа понуда би требало да се детализира од страна на компанијата и ќе ја известиме јавноста откако ќе ги завршиме преговорите“,

рече министерот за економија.
Како што информираше, станува збор за компанија која е регистрирана во Европа, а средбата нема да биде во Скопје, туку ќе биде надвор од земјава.

„Но, секако дека ние во текот на утрешниот ден ќе се вратиме и јавноста ќе биде информирана и во делот на понудата и во делот како би течеле преговорите“,

додаде Бектеши.
Во однос на преговорите со Србија за испорака на природен гас во земјава во замена за електрична енергија што би била произведна од ТЕ-ТО, Бектеши рече дека биле блиску до договор, но, додаде оти очекуваат одговор од властите во Белград.

„Ние направивме максимум како Влада, конечниот предлог е пратен, нивниот експертски тим треба да ги извести ресорниот министер и претседателот Вучиќ. Но од нив нема одговор сè уште. Ние нема да чекаме и разгледуваме повеќе понуди“,

изјави министерот за економија.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

На местото од дискотеката Пулс каде што загинаа 60 млади луѓе, има можност да се создаде меморијален парк, кој ќе биде не само место...

На местото каде што загинаа 60 млади луѓе, има можност да се создаде нешто значајно – меморијален парк од 1600 квадратни метри, кој ќе...

Мицкоски: Платите растат, Македонија се буди, просечната плата надмина 50.000 денари.

Зголемени плати, реален раст – Македонија се буди! Од 1 април започна исплатата на зголемените плати во јавното здравство: линеарно зголемување од 2.500 денари...

Зад решетки ќе заврши и таткото на Васил: Поднесен предлог притвор од Јавен обвинител !!!

Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став...

Народните пратеници не дадоа зелено светло за патни трошоците на работниците- Работодавачот сам да одлучел !!!

Народните избраници не дадоа поддршка да се изгласаат измени на Законот за работни односи. 18 пратеници беа „за“, никој не гласаше против и немаше...