Попладнево во центарот на Скопје навивачи на грчкиот женски ракометен клуб ПАОК предизвикале помал инцидент. Тие се симнале од автобусот кај Рекорд, а потоа се упатиле кон плоштадот и по пат дошло до вербален судр и физички нападнале момче кое носело дрес на македонскиот клуб Вардар. МВР ги потврди овие информации. Полицијата брзо реагираше и ги врати навивачите во автобусот.
Фото: Социјални мрежи
Според сведоци на настанот, грчките навивачи влегле во продавница и украле неколку шишиња со вода, по што дошло до вербална пресметка со продавачката.
Навивачите на ПАОК биле задржани од полицијата и го пропуштиле натпреварот на нивниот клуб против Металург.
Навивачката група била пријавена за нарушување на јавниот ред и мир во центарот на градот.
По целосно расчистување и документирање на случајот против сторителите ќе бидат поднесени соодветни поднесоци, соопшти МВР.
