Родителите го посетиле Боки 13 во Идризово: Еве што изјавија за нивниот син и тоа што му се случило.
Родителите на Боки 13 биле да го посетата синот во затворот „Идризово“, откако пред два дена таму бил претепан од три лица.
Миле Јовановски, таткото на Боки 13 во изјава за „А1он“ кажал дека Бојан има видливи повреди, хематоми по главата, рани по лицето и околу устата, повредена му е левата рака и чувствува константни болки во стомакот, бидејќи тој веќе и има хронично абдоменално заболување, а, како што вели, „домската лекарка буквално се изживува и не му пружа никаква медицинска помош и нега и не ја дава задолжителната терапија“. Но и покрај сите повреди, линч и тортура, татко му вели дека Бојан психички е во одлична кондиција.
„Она што го видов како родител, не го посакувам на ниту еден друг родител да го доживее со своето дете. Како родители на Бојан, заедно со мојата сопруга истакнуваме дека сме загрижени за неговата севкупна состојба, пред се за неговата здравствена состојба“, изјавил Јовановски, според кого, Бојан дефинитивно е жртва на линч и тортура“.
Тој апелира до сите надлежни и засегнати страни да престане тортурата врз Бојан и согласно неговата здравствена состојба да постапат онака како што налага законот.
