И денешниот, трет обид за отпочнување на судењето за случајот со пожарот во модуларната болница во Тетово е неуспешен. Причина за повторното одоложување е отсуството на адвокатот на докторот Бобан Вучески, бидејќи имал друго рочиште.
Следното рочиште е закажано за 7-ми декември, а судијата Јордан Велковски на обвинетиот Вучески му порача дека ако на следното рочиште не дојде неговиот адвокат, главната расправа ќе се одржи без него.
Адовактите пак на Артан Етеми и Флорин Бесими, двајцата поранешни директори на Клиничката болница, Тетово, побараа увид во целосната документација.
Вучески, Етеми и Бесими се тројцата против кои има обвиненија за сносење одговорност за пожарот во модуларната болница во Тетово, во која изби пожар на 8-ми септември минатата година, во која животот го загубија 14 лица.
