На денешен ден (10 ноември 2018 година) пред четири години, поранешниот премиер и екс лидер на ВМРО-ДПМНЕ, Никола Груевски избега од Македонија, со цел да не оди во затвор.
Според информациите, бегството се одвивало преку Албанија, Црна Гора и Србија, од каде екс премиерот заврши во Унгарија каде доби политички азил.
Се уште не е познато кој му помогнал во овој обид, но се знае дека во Унгарија стасал согласно националните и меѓународните прописи.
Во интервју за медиумите тогаш Груевски посочи дека остава на Власта да открие дали легално или нелегално ја поминал границата со Албанија.
„Од Македонија избегав многу едноставно. Отидов во Албанија каде што во унгарската амбасада во Тирана од каде побарав политички азил“, рече Груевски.
Подоцна, додаде и дека еден ден ќе се врати во Македонија.
„Јас нема засекогаш тука да останам. Тука сум за да се засолнам од актуелната Власт која неправедно сака да ме стави во затвор“, рече Груевски.
