15.9 C
Ohrid
недела, јули 6, 2025
ПочетнаМакедонијаИ покрај што нафтата е 84 денари, ЈСП склучи договор да купува...

И покрај што нафтата е 84 денари, ЈСП склучи договор да купува нафта по цена од 100 денари од Пуцко Петрол

spot_imgspot_imgspot_imgspot_img
spot_img

ЈСП „Скопје“ на 25 октомври годинава склучило договор со фирмата „Пуцко петрол“ за набавка на гориво со фиксна цена од 100 денари за литар плус ДДВ. Вкупната сума на договорот кој може да се најде на страната на Бирото за јавни набавки е 26 милиони евра, за период од две години. Тоа значи дека колку и да е цената на горивото на пазарот, ЈСП во наредните две години ќе плаќа цена од 100 денари плус 18 отсто ДДВ, односно 118 денари. Денеска, цената на литар еуродизел БС е 86,5 денари, што значи дека јавното сообраќајно претпријатие на Град Скопје плаќа 31,5 денари повеќе за горивото од цената на пазарот.

<

На вчерашната седница на Советот на Град Скопје за советнички прашања, советникот од СДСМ Зоран Георгиевски го праша директорот на ЈСП Александар Стојковски зошто новиот договор за набавка на гориво е со фиксна цена од 100 денари плус ДДВ за 2 години.

На прашањето не беше одговорено. Директорот Стојковски кој го потпишал договорот не излезе на говорницата да ги образложи одредбите. Наместо него, секретарот на Град Скопје Зоран Глигоров само кажа дека писмено ќе биде одговорено на прашањето. Советниците во Градот од почетокот на мандатот на Арсовска до сега постојано кажуваат дека не добиваат писмени одговори на прашањата.

Поранешниот директор на ЈСП Кристијан Чушков вели дека во неговиот мандат договорот за набавка на гориво не бил со фиксна цена, туку по цена на горивата на бензински пумпи утврдена од Регулаторна комисија плус 6 денари рабат.

Васко Кичевски, претседател на Градската организација на СДСМ, вели дека со ваквиот договор јавното претпријатие месечно е во загуба од пола милион евра.

„ЈСП денеска плаќа 100 денари литар нафта плус 18% ДДВ или 118 денари за литар. Во моментов, еден литар нафта чини 86,5 денари, а дневната потрошувачка на нафта на ЈСП е помеѓу 25 и 28 тони. За да станат работите појасни, ЈСП дневно прави загуби од 1.000.000 денари или месечно 500.000 евра. Е па извинете, ама со вакво крадење сигурно ќе го банкротирате градот“, напиша Кичевски на својот Фејсбук профил.

ЈСП „Скопје“ постојано има потешкотии во работењето па Град Скопје им дава субвенции. Само минатиот месец им беа префрлени 2 милиони евра оти немаа пари за да поделат плати, поради што протестираа шоферите и еден ден Скопје беше без јавен превоз.

А. АНТЕВСКА СДК.МК

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Трагедија во Охрид: Средовечен маж пронајден мртов во езерото кај плажата Извиднички

Тешка несреќа денеска попладне кај плажата Извиднички во Охрид. Средовечен маж бил извлечен од водите на Охридското Езеро без знаци на живот. Иако присутните...

Лишен од слобода “бајач” од скопско кој измамил брачен пар од Берово, за 400.000 евра

Лишен од слобода "бајач" од скопско, измамил брачен пар од Берово за 400.000 евра На 03.07.2025 година Б.Д. (76) од Берово во СВР ШТИП...

Претседателката е шокирана дека 40 отсто од администрацијата ништо не работи

Претседателката на државата, Гордана Сиљановска-Давкова изјави дека e „шокирана од изјавата на министерот Горан Минчев“ дека 40 отсто од вработените во администрацијата или ништо...

Мицкоски: Размислуваме за воведување нов данок за немажени и неженети

Премиерот Христијан Мицкоски утрово се обрати на дебатата „Демографски трендови, предизвици и можни решенија“, што се одржа во Владата, при што нагласи дека Македонија...