Претседателот Стево Пендаровски во вчерашното интервју за телевизија Алсат најави дека е можно да се кандидира за втор мандат на наредните претседателски избори.
Тој спомена и дека тој бил единствен претседателски кандидат кој имал слогани и на албански јазик.
Јас сум првиот политичар етнички Македонец кој за својата прва кампања имал слогани на албански јазик. Ако се решам да одам повторно, на втор мандат, ќе морам да смислам нешто сосем ново. Ако граѓаните се задоволни од мојот мандат, здравје Боже до 2024 година, се разбира, ако добијам политичка поддршка од коалицијата што ме поддржуваше во претходните два обида, ќе размислам на таа тема и за нов мандат, изјави Пендаровски во интервјуто за ТВ Алсат-М.
