Градоначалникот на општина Гази Баба, Бобан Стефковски преку неговиот профил на Фејсбук информира дека со новиот буџет за 2023 година, се обезбедуваат средства за набавка на бесплатни униформи за сите ученици на територија на општина Гази Баба.
<
Во објавата градоначалникот Стефковски напиша:
Со буџетот за 2023 година, обезбедуваме 12.000.000 денари за набавка на бесплатни униформи за сите ученици. Со почетокот на учебната 2023/2024 година, учениците од општинските основни училишта во Гази Баба ќе добијат бесплатни униформи. Со ова се реализира уште едно ветување кое го дадов пред граѓаните на општина Гази Баба, напиша Стефковски.
