14.9 C
Ohrid
петок, мај 17, 2024
ПочетнаМакедонијаБеким Мемети, со пресечена рака и врзан со лисици, не еднаш туку...

Беким Мемети, со пресечена рака и врзан со лисици, не еднаш туку два пати пукал во комбето.

Истрагата се проширува, но она што ги вчудовидува обвинителите се најновите сознанија. Беким Мемети не само што ја отворил футролата и го грабнал пиштолот на затворскиот чувар, успеал со врзани дланки да испука не еден туку два куршуми, и од рикошет да го рани возачот во стомак.

Но, што навистина се случило во комбето кое со 4-ца затворски чувари, а со наредба од командирот Срѓан Димитријевски и без придружба се упатило кон клинички е непознат дел за истрагата.

Во првичните изјави, 5- мината затворски чувари негирале дека се здружиле и му помогнале на Мемети да избега, велат извори од истрагата за Телма. Осомничените, прашани зошто во ниту еден момент не реагирале кога врзан човек молскавично ги совладал и застрашил се бранеле дека се исплашиле и затоа не реагирале.

Сепак, надлежното обвинителтсво за организиран криминал одбива да верува на изјавите на чуварите и собира докази во насока дека оваа чуварска смена се договорила и пружила помош на опасниот осуденик да избега.

Наместо брза помош, началникот Димитријевски дал наредба, без придружба да се возат кон клинички, за расекотина на раката која Мемети сам си ја нанел. Мемети седел на на клупата до нив наместо во задниот затворен дел на комбето.

Од истрагата уверуваат дека за ова кривично дело имаат докази, но сега се собираат за тоа дека овие полицјајци биле дебело искеширани од Мемети.

Па, така наместо заканата од 5 години, оваа група ќе се соочи со кривично дело поткуп, и со нови 10 години затвор.

Обвинителите очекуваат да дојдат до докази и за други лица вклучени во филмското бегство со што истрагата би се проширила.

Се вршат распити, се прегледува видео надзорот во затворскиот комплекс.

МВР, пак, работи на потешката задача да го лоцира и одново фати серискиот бегалец од македонските затвори Беким Мемети.

Тој, по инцидентот во комбето влета во сиво ауди и му се губи трагата која засега неофицијално води кон соседно Косово. Но, едно со сигурност е

познато на истрагата.

Мемети со шверцот на марихуана се стекнал со огромно богатство во Германија, од каде што еднаш веќе е екстрадиран и спроведен во Идризово за убиство и други кривични дела.

Додека, МВР и обвинителите роварат по докази, одговорните за затворскиот систем одбиваат да кренат телефон.

И директорот на Идризово и директорот на управата за санкции се недостпани за медиумите.

Но, дали пропустите во системот, давањето доверба во осомничениот началник ќе бидат теми на извршната власт, на потег е владата која го именува и разрешува овој ешалон функционери.

Павле Беловски Телма

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Пронашле граната, ја однеле во полициска станица во Берово

Регионалниот центар за управување со кризи – Штип денеска информира дека вчера во 12.30 часот во полициската станица во Берово било однесено неексплодирано убојно...

По повод 20 ти Мај , Денот на Пожарникарите , ТППЕ-Охрид ќе дефилира низ Охридските улици со три возила

Почитувани, По повод 20 ти Мај , Денот на Пожарникарите , ТППЕ-Охрид ќе дефилира низ Охридските улици со три возила ,со звучна и светлосна сигнализација...

Тројца малолетници од Тетово фрлиле свој соученик од прозор !!!

СВР Тетово поднесе кривична пријава против тројца малолетници од Тетово, поради постоење основи на сомнение за сторено кривично дело „тешка телесна повреда“. На 01.04.2024 во...

Македонски етнолог на страниците на Њујорк Тајмс

Александар Арабаџиев, етнолог произлезен од Институтот за етнологија и антропологија при ПМФ, УКИМ и мултиинструменталист со потекло од Радовиш, е учесник во ново меѓународно...