За да бидеш човек не треба многу. Суштината на големината на еден човек ја прават малите нешта- на пример една топла насмевка и еден мал топол поздрав на некого можат да му значат многу и да сменат многу работи во опшеството.
Кога староста ќе натежне а нозете не одат толку брзо за да ја преминете улицата а сте во строг центар е навистина тешко.
Нашиот репортер вчера во Охрид околу 15.30 часот кај Поштана ( како што охриѓани си го викаме тој потег) забележа гест кој е за пофалба и поздравување.
Додека старица се обидуваше да ја помине улицата и бавно чекореше, од полициското возило излезе полицаецот ѝ ја фати под рака и најгрижливо ѝ помогна да ја премине сообраќајницата. Големо браво за него. Кој е полицаецот не знаеме? Но важен е реткиот и хуман гест кој ни ја враќа надежта во луѓето и особено кон лицата задолжени за спроведување на редот и мирот.
Фото:Публицитет.мк
