Вооружени луѓе упаднале во болницата каде се наоѓа бебето Аја, кое се роди под урнатините во Сирија.
Информацијата ја потврди службеник на болницата, додавајќи дека напаѓачите го претепале директорот на клиниката, соопшти сирискиот портал ITV NEWS.
Но, службеникот, кој сакал да остане анонимен, ги негираше извештаите на социјалните мрежи дека нападот во понеделникот вечерта бил обид за киднапирање на новороденчето, кое го доби името Аја.
Службеникот изјавил дека директорот на клиниката избркал од болницата медицински работник, затоа што се посомневал дека тој сакал да ја киднапира Аја, откако го видел како ја фотографира. Медицинскиот работник се вратил неколку часа подоцна, придружуван од вооружени лица кои го извршиле нападот и наводно го претепале директорот. Медиумите пишуваа дека имало голем интерес за посвојување на детето. И босански пар преку медиумите побара помош да може да го посвои детето.
Бебето заздравува од повредите во инкубатор во болница во Африн. Се појавиле луѓе кои тврдеше дека се роднини на детето, но тоа било лага. Детето остана сираче. Неговата мајка загина во земјотресот.
Фотографија Profimediа
