Оптимистички најави од министерот Бочварски. Тврди дека автопатот Охрид-Кичево ќе биде готов идната година, а на терен имало 900 градежни работници.
Но, сликата на терен е поинаква, никако да се види крајот на изградбата на автопатот Охрид-Кичево.
Министерот Бочварски најави дека моментално се работи на рехабилитација на патот Подмоље-Струга-Ќафасан до граничниот премин со Албанија а во тендерска постапка е и дел од патот Охрид-Свети Наум.
Но, на патот Струга Ќафасан нема видлив напредок. Забележителна е мала градежна механизација и се уште се работи на стотина метри од патот.
Вкупниот износ на капиталните инвестиции со Буџетот за 2023 година е 800 милиони евра а вредноста на изградбата на автопатот е 598 милиони евра.
